Tynnwch Lun Ohonof ar Ddiwrnod Da

Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.

Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!

Canllaw creadigol sydd â thair rhan yn i’ch tywys chi o’r llyfrau braslunio i’ch campwaith cyntaf.

Bill Taylor Beales ydw i. Rydw i’n artist cymdeithasol o Sir Gaerfyrddin ac mae gen i dros 30 mlynedd o brofiad o weithio gyda phobl o bob oed a gallu – drwy defnyddio celf weledol, ffilm, cerddoriaeth ac adrodd straeon.

Mae Tynnwch Lun Ohonof ar Ddiwrnod Da yn broses syml i’ch rhoi ar ben ffordd wrth edrych ar y celfyddydau creadigol drwy weithgareddau syml iawn.

Mae tri fideo i’ch tywys drwy chwe cham – o greu llyfr braslunio i beintio campwaith.

Offer angenrheidiol

Detholiad o’r canlynol:

• Papur A4 neu hen amlenni
• Cardfwrdd
• Beiros
• Pensiliau
• Pasteli meddal
• Set dyfrlliw
• Hen gylchgronau
• Glud

Bydd y deunyddiau hyn ond y’n costio ychydig bunnoedd a bydd yr ymarferion ond yn cymryd ychydig funudau.

Y bwriad yw cael llawer o hwyl yn edrych ar syniadau, lliwiau, siapiau, a gweadau a dod â nhw i gyd at ei gilydd ar gyfer darn gorffenedig sy’n cyfleu atgof positif.

Mae adnoddau ychwanegol gyda’r fideos, a dwi’n eich gwahodd i gyflwyno unrhyw gelf ry’ch chi’n ei greu fel rhan o’r daith hon.

Felly rhowch eich dyfais glyfar i ffwrdd, cydio yn eich llyfr braslunio clyfar a gadael i’ch dychymyg fod yn rhydd! Pob lwc!

Y peth allweddol yma yw eich bod chi’n gallu ychwanegu at eich cit celf dros amser wrth i chi adrych ar sut rydych chi’n gweithio a beth sy’n apelio atoch chi. Mae’r holl ddeunyddiau yn y fideo’n costio tua £2 i £3 yr un ac mae’n hawdd eu cario o gwmpas gyda chi.

Wrth i chi ymgysylltu mwy â’r broses o wneud celf, gallwch chi ymchwilio ymhellach i ddeunyddiau drutach a sut i’w defnyddio. Mae’r rhai rydw i wedi’u rhestru’n becyn sylfaenol gwych a fydd yn eich galluogi i edrych ar amrywiaeth eang o dechnegau ac arddulliau.

Rhan hanfodol o unrhyw daith greadigol yw canfod beth sy’n bosibl gyda’r deunyddiau rydych chi’n eu defnyddio.

Mae YouTube yn llawn fideos hyfryd ar sut i ddefnyddio paent olew a dwi’n gwylio’r rhain yn aml i gael syniadau a deall prosesau sylfaenol cyfrwng – ond peidiwch â gadael i hyn fod yn ddiwedd eich taith archwilio.

Y peintwyr mwyaf poblogaidd mewn hanes yw’r rhai sydd wedi gwthio eu cyfrwng i lefydd newydd – does dim ffordd gywir nac anghywir – archwilio a chwarae!

Mae hwn yn faes dwi’n arbennig o hoff ohono, dwi’n treulio llawer iawn o amser yn edrych arno a dydw i byth yn diflasu gan fod pob wyneb newydd yn agor byd newydd o ffyrdd posibl o’i fynegi trwy gelf weledol.

Gwybodaeth ychwanegol

Y llyfr braslunio clyfar – ewch â’r llyfr hwn gyda chi i bobman

Un o’r pethau anoddaf i’w wneud yw torri hen arferion. Nod y llyfrau braslunio hyn yw eu cadw’n fach a gwneud yn siŵr eich bod chi’n gallu cael gafael arnyn nhw’n hawdd a pheidio â bod yn rhy ofalus gyda nhw.

Maen nhw’n sbwng emosiynol / gweledol i amsugno’r byd o’ch cwmpas – boed hynny trwy wneud marciau – braslunio – collage – ysgrifennu ac ati, chi sy’n dewis – ond wrth i chi ddewis y llyfr braslunio yn lle’r ffôn clyfar yn amlach, byddwch chi’n gallu mynd ar goll mewn byd arall – i ddatgysylltu a dod o hyd i rywfaint o ymwybyddiaeth ofalgar go iawn.

Mae’r llyfrau braslunio bach hyn yn aml yn helpu i leddfu straen, ac men nhw’n helpu i greu ffyrdd dychmygus newydd o fodoli a gweld.

Y llinell fregus – ymarfer cynhesu creadigol

Mae hwn yn ymarfer dwi’n ei wneud yn aml i’m hatal rhag mynd i dwll creadigol. Mae’n helpu i gael gwared ar rwystredigaethau ac mae hefyd yn rhoi seibiant i fy meddwl a gadael iddo fwynhau.

Dwi’n sôn am chwarae yn aml yn y fideos oherwydd mae’n hanfodol gallu ail-ddysgu sut i wneud hyn gan fod ei fod yn allweddol i’ch taith greadigol ac i weld beth all celf ei olygu i chi. Ar ôl i chi wneud y papur yn fflat, chi sydd i benderfynu beth rydych chi’n mynd i’w wneud gyda’r holl linellau a’r crychau gwych hynny. Byddwn wrth fy modd yn gweld unrhyw gelf ysbrydoledig o’r rhain.

Y cof – paratoi ein llun

Yn olaf, dod â’r holl elfennau at ei gilydd i greu darn o waith celf annibynnol. Mae’r llyfrau braslunio bach yn ddelfrydol i’w llenwi ag archwiliadau a syniadau wrth i chi deithio at ganlyniad. Dwi’n gobeithio y gallwch chi adeiladu casgliad o’r llyfrau bach hyn a dwi’n eich annog i ddal ati i edrych arnyn nhw gan y byddan nhw’n datblygu drwy’r amser a byddwch chi’n parhau i ddarganfod pethau newydd ynddyn nhw.

Dwi’n tueddu i beintio ar bren gan fy mod i’n hoffi defnyddio paent olew, ac mae hyn yn caniatáu llawer o grafu ac addasu. Dwi’n gobeithio y gallwch chi roi rhywfaint o amser a carian o’r neilltu i roi cynnig ar beintio ar gynfas ar stand a gweld sut mae oriau a hyd yn oed ddyddiau’n diflannu wrth i chi ymgolli yn y berthynas rhyngoch chi a’r gwaith celf.