Efallai fod eich sefydliad yn dod â phobl at ei gilydd i gymryd rhan mewn gweithgareddau hyrwyddo lles neu’n gyflogwr sydd am wella lles meddyliol eich gweithlu.
Ydych chi’n sefydliad sy’n helpu i wella lles meddyliol?
Dewch yn rhan o’n mudiad i amddiffyn a gwella lles pobl yng Nghymru. Boed ydych yn helpu i gefnogi pobl yn unigol neu’n eu galluogi i ddod ynghyd yn eich cymuned, gallwch wneud cais i ddod yn Gefnogwr Hapus.
Os cewch eich cymeradwyo, cewch becyn cefnogwr – yn cynnwys logo Cefnogwr Hapus, y gallwch ei ddefnyddio yn eich deunydd hyrwyddo a’ch gohebiaeth – i’ch helpu chi i helpu eraill.
Dod yn Gefnogwr Hapus
Ymgeisiwch i fod yn Gefnogwr Hapus a gwneud gwahaniaeth go iawn i les meddyliol pobl Cymru.
Ymgeisiwch nawrYdych chi’n gweithio yn y celfyddydau a’r sector iechyd?
Ymunwch â Rhwydwaith Iechyd a Llesiant Celfyddydau Cymru i gael yr wybodaeth ddiweddaraf am waith ymchwil, cyfleoedd i gael cyllid, gwybodaeth am ddigwyddiadau a datblygiadau’r sector. Cefnogir y Rhwydwaith gan Gonffederasiwn y GIG a Chyngor Celfyddydau Cymru.
Ydych chi’n gyflogwr?
Mae cefnogaeth a’r gael i’ch helpu chi i wella iechyd a lles eich staff, rheoli absenoldebau salwch yn well ac ymgysylltu â’ch gweithwyr yn effeithiol.
Mae gweithleoedd yn gymunedau pwysig a bydd gwarchod lles meddyliol eich gweithwyr yn helpu i greu amgylchedd hapusach – un sy’n meithrin cynhyrchiant a chydweithredu.
Boed yw eich busnes yn un mawr neu fach, boed yw eich gweithwyr yn ymuno â chi wyneb yn wyneb neu yn rhithiol , mae yna bethau y gallwch eu gwneud i hyrwyddo lles yn y gweithle.
Mae Cymru Iach ar Waith yn cynnig canllawiau am ddim, adnoddau dysgu a datblygu, a gallant eich cyfeirio at wasanaethau cefnogi i’ch helpu chi i fagu’r sgiliau a’r gallu i gefnogi iechyd a lles eich staff.
Mae gan y canllawiau Iechyd Meddwl a Llesiant lond trol o wybodaeth i’ch helpu chi:
- hyrwyddo iechyd meddwl a lles cadarnhaol
- darparu cymorth priodol yn ôl yr angen
- monitro iechyd meddwl a lles eich gweithwyr.
