Mae llawer o bethau amrywiol yn dylanwadu ar ein lles meddyliol, ac mae llawer o bethau amrywiol sy’n gallu ei wella. Ni waeth beth arall sy’n digwydd yn ein bywydau, gall pob un ohonom gymryd camau bach er mwyn helpu i amddiffyn a gwella ein lles meddyliol.

Gall y camau gweithredu hyn fod yn niferus ac amrywiol. Mae rhai yn gyffredin i bawb, mae eraill yn fwy perthnasol i’r unigolyn. Yn y pen draw, mae’n dibynnu ar yr hyn sy’n gwneud i ni deimlo’n dda, yr hyn rydym ni, yn bersonol, yn ymddiddori ynddo ac yn ei fwynhau.

Gall neilltuo amser ar gyfer y gweithgareddau rydym yn eu mwynhau, y pethau sy’n bwysig i ni a gadael i ni’n hunain roi ein sylw llawn iddynt gynnig cyfle pwysig i roi hwb ychwanegol i’n meddyliau. Gallai hyn olygu treulio amser gyda phobl sy’n gwneud i ni deimlo’n dda, dod o hyd i amser ar gyfer hobi neu i ddysgu rhywbeth newydd.

Isod, fe welwch wybodaeth am y ffyrdd seiliedig ar dystiolaeth y gallwn gymryd camau i helpu i ddiogelu a gwella ein lles meddyliol. Gallwch hefyd archwilio ystod o adnoddau ac offer lles meddyliol, ochr yn ochr â chael ysbrydoliaeth gan eraill ar yr hyn sy’n gweithio iddyn nhw!