Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Mae’r fideos hyn yn cynnwys technegau byrfyfyr a fydd yn eich ysgogi i symud.
Maen nhw’n canolbwyntio ar ddelweddu a thasgau synhwyraidd i’ch galluogi i ddawnsio mewn ffordd benodol ond personol.
Mae’r fideos yn cynnwys sesiwn gynhesu, i wneud yn siŵr eich bod yn barod i ddawnsio, ac ymlacio’n gyflym i gloi’r sesiwn er mwyn gorffen mewn ffordd ddigynnwrf ac ymlaciol.
Does dim ffordd gywir neu anghywir o wneud gwaith byrfyfyr, felly gallwch symud mor ddeinamig neu mor llonydd ag y dymunwch.
Gobeithio y bydd y gweithdai hyn yn creu cyfrwng ysgogol a chreadigol i chi ddianc rhag rhuthr bywyd bob dydd a’ch galluogi i greu symudiadau diddorol.
Beth Meadway
Efallai byddwch yn hoffi
Gweld popeth
Eich cefnogi drwy ddawns
Fideos i’ch ysbrydoli i flaenoriaethu eich llesiant meddyliol, i gael seibiant ac i ddod o hyd i ryddhad - neu ychydig o hwyl - trwy ddawns.
Rheoli gorbryder ac ofn
Gall canllaw’r Sefydliad Iechyd Meddwl eich helpu i ddod o hyd i ffyrdd o ddeall a rheoli teimladau o orbryder ac ofn.
Straeon Lluniau
Ffordd wych o ddatblygu eich llygad creadigol ac ymarfer. Gall ddod yn rhan o'ch trefn ddyddiol yn hawdd.
