Mae dod yn rhiant am y tro cyntaf yn newid eich bywyd. Gall fod yn amser cyffrous a llawen, ond gall hefyd deimlo’n gyfrifoldeb mawr. Mae llawer o rieni tro cyntaf o’r farn y gall gymryd peth amser i ddod i arfer ag ef.
Mae magu plant yn defnyddio llawer o egni corfforol ac emosiynol ac fel rhiant mae’n naturiol eich bod eisiau rhoi eich plentyn yn gyntaf. Ond i fod y rhiant gorau y gallwch chi fod a rhoi’r dechrau gorau posibl mewn bywyd i’ch plentyn, mae’n bwysig gofalu am eich iechyd a’ch lles eich hun hefyd. Nid oes angen i ofalu amdanoch eich hun gymryd llawer o amser na chynnwys newidiadau mawr.
Gall newidiadau bach fel gwrando ar gerddoriaeth helpu i leihau straen, gwella’ch hwyliau a hyd yn oed gwella’ch cwsg. Gall gwrando ar gerddoriaeth a chanu hefyd helpu gyda’r bondio rhwng y babanod a’r rhai sy’n rhoi gofal iddyn nhw.
Mae meithrin perthynas gyda’ch babi yn bwysig i chi a’ch babi. Nid oes fformiwla hudol i feithrin perthynas ac ni ellir ei orfodi. Mae’n brofiad personol sy’n cymryd amser. I rai, bydd perthynas yn cael ei ffurfio yr union foment y byddant yn dal eu babi yn eu breichiau am y tro cyntaf. I eraill, gall gymryd ychydig yn hirach.
Mae llyfrynnau gwybodaeth i rieni Pob Plentyn Cymru yn rhoi cyngor, gwybodaeth ac maent yn cyfeirio at wasanaethau cymorth i roi help llaw i rieni yng Nghymru o’r cyfnod rhwng beichiogi hyd at 7 oed.
Efallai byddwch yn hoffi
Gweld popeth
Celf yn yr Awyr Agored
Crëwch dri phrosiect celf gan ddefnyddio deunyddiau y deuir o hyd iddynt ym myd natur gyda'r fideos hyn gan yr artist gweledol Helen Malia.
Lluniwch eich dyfodol iach gyda Pwysau Iach Byw’n Iach
Dechreuwch ar eich siwrnai tuag at bwysau iach drwy gael cyngor gan y GIG sydd wedi’i deilwra i gyd-fynd â’ch anghenion.
Symud Drwy Lawenydd
Mae ‘Symud drwy Lawenydd' yn gyfres o weithdai dawns a symud sydd wedi’u hanelu at godi eich ysbryd a chadw eich corff a'ch meddwl yn iach.
