Bod yn greadigol drwy liwio

Mae lliwio yn ffordd syml o fod yn greadigol ac nid yw’n weithgaredd ar gyfer plant yn unig! Mae bod yn greadigol yn dda i bawb, waeth faint oed ydych chi. Mae lliwio hefyd wedi dod yn boblogaidd i helpu i leihau straen oedolion.

Mae dewis y lliwiau i’w defnyddio a’r weithred o liwio mewn patrwm yn gofyn i ni ganolbwyntio. Mae hyn hefyd yn cael ei alw’n ‘gyflwr llif’. Mae hyn yn digwydd pan fyddwn yn canolbwyntio ar y dasg dan sylw heb feddwl am unrhyw bryderon eraill. Gall hyn helpu i dawelu ein meddwl a chychwyn “ymateb ymlacio” ein system nerfol.

Mae ymchwil yn cefnogi manteision lliwio hefyd. Er enghraifft, mae un astudiaeth wedi dangos bod cleifion yn yr ysbyty a oedd yn lliwio am hanner awr y dydd, ochr yn ochr â’u gofal safonol, wedi profi lefelau is o orbryder.

Rhowch gynnig ar y rhain a lawrlwytho’r templedi lliwio seiliedig ar natur am ddim i weld a yw lliwio yn helpu eich lles meddyliol chi.