Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Helo bawb!
Shakeera Ahmun ydw i, artist dawns llawrydd o Gaerdydd. Fe wnes i gwblhau fy hyfforddiant dawns yn Ysgol Ddawns Gyfoes Llundain a Sefydliad Celfyddydau California.
Ochr yn ochr â fy mhrofiad perfformio, rydw i wedi bod yn ehangu fy ngyrfa fel tiwtor dawns.
Hoffwn gyflwyno i chi fy Nghyfres o Symudiadau Ysgafn.
Mae’r symudiad wedi’i ysbrydoli gan y dechneg Rhyddhau, sy’n ymgorffori symudiadau sy’n rhyddhau tensiwn yn y corff. Bydd y gyfres hon o symudiadau yn cynnwys cryn dipyn o lyfnder ac esmwythdra, a fydd yn hygyrch i bobl heb fawr ddim profiad dawns, os o gwbl.
Mae’r fideos yn cynnwys:
Fideo 1: Ymarfer Cynhesu
Fideo 2: Sigl a Swae, Ymarfer Coreograffi a Dad-gynhesu
Mae’r gyfres hon o symudiadau ysgafn wedi’u cynllunio i fod yn ffordd hygyrch i bobl integreiddio elfen o hunan-ofal i’w trefn bob dydd, a’ch helpu i baratoi’ch meddwl a’ch corff yn y bore cyn gwaith, neu hyd yn oed ar ôl gwaith, os oes angen i chi ymlacio neu ryddhau rhai endorffinau.
Bydd fy ymarferion symud wedi’u cynllunio hefyd ar gyfer llefydd llai, felly does dim angen stiwdio neu ofod dawns, sy’n golygu y gallwch wneud yr ymarferion dawns yng nghysur eich cartref.
Diolch a mwynhewch bawb!
Efallai byddwch yn hoffi
Gweld popeth
Sut i gofalu am eich iechyd meddwl pan fyddwch yn hŷn
Mae’r canllaw hwn gan Y Sefydliad Iechyd Meddwl yn awgrymu 10 ffordd ymarferol o ofalu am ein hiechyd meddwl pan fyddwn yn hŷn.
Hyder Creadigol
Videos from singer and songwriter Molara Awen to help you smile, raise your confidence and help you to celebrate your creative self.
Gweithdy Dawns Greadigol
Mae'r fideos hyn gan y ddawnswraig Beth Meadway yn cynnwys technegau byrfyfyr a fydd yn eich ysgogi i symud.
