Gwaith Weiren

Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.

Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!

Mae gwaith weiren yn hawdd, yn rhad ac yn hwyl.

Helo, fy enw i yw Beth Sill. Rwy’n wneuthurwraig o Gymru sy’n arbenigo mewn gwaith weiren.

Fe ddatblygodd fy hoffter o weithio gyda weiren tra’n astudio celf safon uwch yn yr ysgol nos. Rydw i wrth fy modd yn creu gwaith celf, mae’n gwneud i fi ymlacio ac yn fy nhawelu. Mae gwaith weiren yn grefft gymharol anghyfarwydd ond mae’n hawdd, yn rhad ac yn hwyl.

Dyma 2 fideo er mwyn dangos i chi sut i wneud:

• Weiren pili pala (Lawrlwythwch PDF weiren pili pala)
• Weiren gwas y neidr (Lawrlwythwch y PDF weiren gwas y neidr)

2 fideo bach hefyd:

• Y deunyddiau + offer fydd eu hangen arnoch chi (3mun)
• Ychydig o ymarferion a fydd yn eich helpu i ymgyfarwyddo â defnyddio’r weiren

Film: Jonathan Dunn (linc Saesneg yn unig).

Deunyddiau ac offer fydd eu hangen arnoch chi

• Gefail & thorrwr
• 1mm weiren
• 1.2 mm weiren
• Tâp mesur
• Gleiniau a botymau

Bydd y fideos hyn yn rhoi amlinelliad o’r weiren a strwythur eich pryfed ac yna gallwch chi ychwanegu beth bynnag sy’n eich gwneud chi’n hapus! Gleiniau, botymau, rhubanau lliwgar. Pan fyddwch chi wedi gorffen gallwch chi eu harddangos gartref, yn yr ardd, efallai yn y gwaith neu yn yr ardd gymunedol yn y gwaith?

Gobeithio eich bod wedi mwynhau creu eich pryfed unigryw!

Ynglŷn â fi

Rydw i wedi bod yn creu pethau ar hyd fy oes. Ar ôl cwblhau fy safon uwch mewn celf, rydw i wedi canolbwyntio ar waith weiren.

Rwy’n mwynhau’r broses o greu cerfluniau. Mae’n rhoi boddhad ac mae’n gyffrous gweld y siâp yn ymddangos. Rwy’n gwneud cerfluniau, comisiynau unigryw yn ogystal â chynnal gweithdai.