Mae gofalu am eich iechyd corfforol yr un mor bwysig â gofalu am eich lles meddyliol. Gall cynnal pwysau iach gael effaith bositif ar eich lles meddyliol a dyma un o’r ffyrdd gorau o leihau eich risg o gael cyflyrau fel clefyd y galon, pwysedd gwaed uchel a diabetes math 2.
Ymunwch â’r miloedd o bobl yng Nghymru sydd eisoes wedi dechrau ar eu taith tuag at bwysau iach a chynnal pwysau iach, gan ddefnyddio’r cyngor a’r adnoddau am ddim sydd wedi’u teilwra ar eich cyfer, a ddatblygwyd gan GIG Cymru.
Mae taith pawb tuag at bwysau iach yn wahanol, a gall fod yn anodd gwybod ble i ddechrau. Mae asesiad iechyd 5 munud ar gael ar wefan Pwysau Iach Byw’n Iach sy’n gyflym a hawdd i’w gwblhau, ac mae’n rhoi adborth yn seiliedig ar eich siwrnai tuag at reoli eich pwysau hyd yn hyn. Nid yw eich data’n cael eu cadw a dim ond chi fydd yn cael yr adborth.
Ar ôl cwblhau’r asesiad, byddwch yn dewis un o’r pedair ‘Siwrnai’ unigryw sydd ar gael gyda’r cynnwys wedi’i deilwra, ac mae pob siwrnai wedi’i chynllunio i roi’r cyfle gorau i chi gyrraedd eich nodau.
Cymerwch y cam cyntaf tuag at fod yn fwy iach heddiw ac ewch i pwysauiach.cymru.
Efallai byddwch yn hoffi
Gweld popeth
Sut i gofalu am eich iechyd meddwl pan fyddwch yn hŷn
Mae’r canllaw hwn gan Y Sefydliad Iechyd Meddwl yn awgrymu 10 ffordd ymarferol o ofalu am ein hiechyd meddwl pan fyddwn yn hŷn.
Y Gyfres Bollywood
Dysgwch hanfodion yr arddull ddawns amryddawn hon mewn cyfres o fideos a grëwyd gan gyn-ddawnsiwr Bollywood.
Gwirfoddoli Cymru
Chwiliwch am gyfleoedd i wirfoddoli yn eich ardal leol, ar wefan Gwirfoddoli Cymru. Boed hynny’n ymwneud â bod yn greadigol, yn egnïol, helpu eraill, gwella’r amgylchedd neu ymgyrchu, gallwch chi ddefnyddio’r hidlydd chwilio i ddod o hyd i’r hyn sy’n addas i chi.
