I lawer ohonom mae gwaith yn rhan fawr o’n bywydau. Mae’n darparu incwm, strwythur a chyfle i wneud ffrindiau a chysylltiadau defnyddiol. Gall cael swydd foddhaol fod yn dda i’ch iechyd meddwl a’ch llesiant cyffredinol.
Fodd bynnag, rydym i gyd yn profi cyfnodau pan all gwaith deimlo’n llethol. P’un a yw’r ffynhonnell yn gysylltiedig â gwaith neu’n deillio o’n bywydau personol, gall yr heriau hyn, os na chânt eu datrys, waethygu i fod yn broblemau sylweddol yn y pen draw.
Mae’r canllaw defnyddiol hwn gan y Metal Health Foundation yn esbonio’r hyn y gallwn ni ei wneud i reoli’r heriau yn ein bywydau i gefnogi ein hiechyd meddwl ein hunain. Mae’n disgrifio’r camau y gallwn ni eu cymryd i wneud hyn, sy’n cynnwys neilltuo amser ar gyfer gweithgarwch corfforol, bwyta deiet iach a chytbwys ac ymarfer hunandderbyn.
Mae hefyd yn darparu canllawiau ymarferol ar gydnabod iechyd meddwl gwael mewn cydweithwyr a’u cefnogi i gymryd camau i’w wella.
I gyflogwyr, mae’n disgrifio sut mae gweithleoedd sy’n blaenoriaethu iechyd meddwl yn meithrin amgylcheddau hapusach a mwy cynhyrchiol. Mae hefyd yn nodi’r hyn y gallant ei wneud i adeiladu gweithle sy’n iach yn feddyliol.
Mae llawer y gallwn ei wneud i hyrwyddo iechyd meddwl cadarnhaol yn y gwaith – bydd y canllaw hwn yn egluro sut.
Lawrlwythwch y canllaw y ‘Sut i gefnogi iechyd meddwl yn y gwaith’
Efallai byddwch yn hoffi
Gweld popeth
Cardiau Post Syanoteip
Gwnewch gardiau post gan ddefnyddio syanoteip, proses ffotograffig hawdd sy'n gofyn am gemegau rhad.
Lluniwch eich dyfodol iach gyda Pwysau Iach Byw’n Iach
Dechreuwch ar eich siwrnai tuag at bwysau iach drwy gael cyngor gan y GIG sydd wedi’i deilwra i gyd-fynd â’ch anghenion.
Y Pethau Bychain
Short monologues, set against music, that reflect writer Manon Steffan Ros's conversations with health and care workers.
