Blaenoriaethu fy lles meddyliol fel rhywun sydd wedi ymddeol

Beth ydych chi’n ei wneud er mwyn amddiffyn a gwella eich lles meddyliol?

Rwy’n ceisio, os gallaf, dynnu fy hun o sefyllfa wenwynig neu rywbeth sy’n achosi i mi deimlo dan straen a phryder. Os na allaf, yna byddaf yn gwneud pethau sy’n rhoi pleser i mi fel mynd allan, mynd â’r ci am dro, nofio dŵr oer, pobi neu wrando ar gerddoriaeth. Dydw i ddim bob amser eisiau cwmni – weithiau mae bod ar fy mhen fy hun gyda fy meddyliau fy hun yn fuddiol.

Cymryd seibiant i chi’ch hun yw un o’r pethau anoddaf i’w wneud, ond, ers imi ymddeol, sylweddolaf mai anaml y gwnes i hyn ac yn difaru nad oeddwn wedi gwneud hyn yn flaenoriaeth tan nawr.

Nodwch un peth rydych chi wedi dechrau ei wneud yn ystod y flwyddyn ddiwethaf sydd wedi helpu eich lles meddyliol?

Ymuno â’r Bluetits yn nofio dŵr oer (linc Saesneg yn unig) – dw i ond wedi llwyddo i ddau nofiad wedi eu trefnu hyd yma, ond rwyf wrth fy modd yn gweld eu postiadau ar gyfryngau cymdeithasol. Hefyd rhoddais y gorau i fy ngwaith ac roedd hyn yn hynod fuddiol. Mae gen i fwy o amser i wneud y pethau rwy’n eu hoffi ac eisiau eu gwneud.

Pam mae gofalu am eich lles meddyliol yn bwysig i chi?

Os oeddech yn profi unrhyw salwch corfforol neu anghysur, byddech yn fwy na thebyg yn gwneud rhywbeth yn ei gylch i’w atal rhag gwaethygu; dylai lles meddyliol hefyd fod yn flaenoriaeth ac, os caiff ei anwybyddu, mae’n debygol o waethygu.

Oes unrhyw beth arall yr hoffech ei rannu? Gall hyn fod yn ddyfyniad neu gyngor yr hoffech chi ei roi i eraill.

Mae mynd allan i’r awyr agored a gwerthfawrogi beth sydd ar gael mor ddefnyddiol i mi. Mewn byd o erchyllterau o’r fath, mae dod o hyd i hapusrwydd mewn pethau syml yn rhywbeth y gallwch chi ei reoli.

Oes unrhyw beth arall yr hoffech ei rannu?

Dim ond unwaith yr ydych ar y ddaear hon. Gwnewch iddo gyfrif.