Gall y cwrs eich helpu i reoli eich gweithredoedd yn well, a sicrhau bod bywyd bob dydd yn llai gofidus ac yn fwy pleserus. Byddwch yn dysgu ffyrdd ymarferol ac effeithiol o ddelio â meddyliau a theimladau a allai beri gofid.
Cynlluniwyd y cwrs gan Dr Neil Frude a bydd yn eich helpu i ganfod yr hyn sy’n wirioneddol bwysig i chi ac yn rhoi sgiliau i chi allu byw eich bywyd yn fwy hyderus a gyda mwy o bwrpas.
Mae pedwar fideo ar gael, pob un yn para tua 40 munud yr un. Gallwch wasgu’r botwm saib ar unrhyw adeg a dychwelyd atynt os bydd angen seibiant arnoch chi. Rydym yn argymell gadael diwrnod neu ddau rhwng pob fideo er mwyn i chi ymarfer yr hyn rydych chi wedi’i ddysgu.
Mae canllaw y gallwch ei lawrlwytho, ei argraffu neu wneud nodiadau arno ar gael ar gyfer pob fideo, ac mae ymarferion sain y gallwch wrando arnynt ar gael hefyd.
Bydd y cwrs yn eich helpu i ddod i ddeall sut mae eich meddwl yn gweithio ac yn eich tywys drwy weithgareddau a fydd yn eich helpu i wella eich iechyd meddwl a’ch lles.
Mae’r cwrs ar gael yn Gymraeg, yn Saesneg ac yn Iaith Arwyddion Prydain.
Efallai byddwch yn hoffi
Gweld popeth
Crochenwaith yn y cartref
Bydd y gyfres hon o fideos gan yr artist cerameg a dylunydd Lucy Dickson yn eich arwain trwy rai technegau crochenwaith syml.
Hybiau llesiant Carers Wales ar gyfer cymorth a chysylltiadau
Dod o hyd i ffyrdd defnyddiol o helpu eich lles meddyliol fel un sy’n gofalu am rywun annwyl.
Straeon Lluniau
Ffordd wych o ddatblygu eich llygad creadigol ac ymarfer. Gall ddod yn rhan o'ch trefn ddyddiol yn hawdd.
