Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Rydw i’n awdur, yn fardd ac yn ddramodydd o Gymru ond cefais fy ngeni yn Cameroon. Rydw i’n credu ym mhŵer adrodd straeon a’i allu i’n cludo i wahanol lefydd a phrofiadau.
Rydw i weid adrodd straeon drwy gydol fy oes, cyhyd ag y gallaf gofio. Roedd gan fy nhaid dair gwraig. Ar y ffordd adref o’r ysgol, byddwn yn stopio yn ei gartref ac yn mynd i gegin ei wraig gyntaf. Byddwn yn adrodd straeon ac yn diddanu ei phlant wrth iddi goginio. Byddai’n rhoi platiad mawr o fwyd i mi.
Yna byddwn yn ymweld â’r ail wraig ac yn gwneud yr un fath. Ar ôl cyrraedd tŷ fy mam, doedd dim ots os nad oedd unrhyw fwyd ar gael.
Y cyfan rydw i wedi’i wneud ers byw yma yng Nghymru yw adrodd straeon. Rydw i wedi cyrraedd yr oedran lle mae’n rhaid i mi ddechrau rhoi’r awenau i’r genhedlaeth nesaf o storïwyr. Felly, fe wnes i gydweithio gyda Caoimhe Lewis ar y prosiect hwn.
O ble daw straeon? I ateb y cwestiwn hwn, fe wnaethom gyfeirio at lyfr chwedlau Cymreig Steven Peterson. Ers y cyfnod cynharaf, mae straeon wedi’u hadrodd mewn ceginau, wrth y tân, o dan y lloer, lar lan yr afon, aa ati.
Wrth i ni ffilmio, fe wnaethom groesi dŵr llwyd yr afon Taf, wrth i Caoimhe ganu cân y cranc. Roedd yn llawer o hwyl.
Rydw i a Caoimhe yn eich annog i wrando ar y straeon hyn, i chwerthin ac i ailymweld ag atgofion eich plentyndod. Byddem wrth ein bodd yn clywed eich straeon chi.
Ar adeg pan mae’n ymddangos bod y byd ar ei gliniau, gadewch i ni fynd nôl at y pethau syml a dod at ein gilydd, i wrando ac i ddweud straeon wrth ein gilydd.
Gadewch i’n dychymyg lifo a’n creadigrwydd yw’r gobaith sy’n goleuo ein byd, gan barhau â’r cysylltiad hwnnw rhwng y Celfyddydau, Creadigrwydd a’n lles meddyliol. Diolch yn fawr iawn.
Efallai byddwch yn hoffi
Gweld popeth
Gweithdy Dawns Greadigol
Mae'r fideos hyn gan y ddawnswraig Beth Meadway yn cynnwys technegau byrfyfyr a fydd yn eich ysgogi i symud.
Stiwdio Syniadau
Yn y ddau fidio yma, mi fydda i’n eich arfogi chi hefo technegau newydd i chi gadw ym mocs twls eich ymennydd i’ch helpu chi ddechrau sgwennu.
Canu o’r Enaid
Tri gweithgaredd syml a hwyliog i’ch helpu i forio canu.
