Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Mae pawb yn deall bod bwyd yn ffordd o fynegi, rhannu a dychmygu.
Mae’r gweithdy hwn yn defnyddio ryseitiau ac atgofion bwyd fel ffynhonnell ddi-ben-draw o ysbrydoliaeth ac ysgrifennu creadigol, hyd yn oed i’r rheini ohonom sydd ddim mor hyderus yn ein gallu i ysgrifennu.
Y cyfan sydd ei angen arnoch chi yw cyfrifiadur, neu feiro a phapur, i ddechrau ysgrifennu. Bydd y gweithdy yn y fideo cyntaf yn cynnwys dewis bwyd neu rysáit, cynllunio strwythur eich darn ac, i gloi, adeiladu stori syml o’i gwmpas.
Gall y darn byr o ysgrifennu gael ei ddefnyddio fel ffordd newydd o rannu ryseitiau gyda ffrindiau a theulu, llunio eich llyfr coginio creadigol eich hun, neu ddod o hyd i ffordd newydd o fynegi eich hun drwy rywbeth cysurus a chyfarwydd.
Ysbrydolwyd y gweithdy hwn gan fy narn byr Tortang Talong, rysáit ar gyfer omled gyda phlanhigyn wy Ffilipinaidd, wedi’i wreiddio mewn stori am freuddwyd fy mam. Gallwch wrando arna i yn darllen y darn hwn yn yr ail fideo, a dysgwch ychydig mwy am fy ngwaith yn y trydydd fideo.
Sadia Pineda Hameed
Efallai byddwch yn hoffi
Gweld popeth
Gwaith Weiren
Dysgwch sut i greu pili-pala a gwas y neidr allan o wifren gyda’r gyfres hon o fideos gan y gwneuthurwr Beth Sill.
Straeon o’r Galon – Barddoniaeth, Caneuon ac Adrodd Straeon
Gwrandewch ar dair stori gan Eric Ngalle Charles,yr awdur, y bardd a'r dramodydd a gafodd ei eni yn Cameroon, ac sydd bellach yn byw yng Nghymru.
Ein hawgrymiadau gorau ar gyfer iechyd meddwl
Mae awgrymiadau gorau'r Sefydliad Iechyd Meddwl ar gyfer gofalu am eich iechyd meddwl yn cael eu hategu gan dystiolaeth ymchwil.
