Fy enw i yw Toby Hay.
Rydw i wedi byw ar hyd fy oes ar gyrion Mynyddoedd Cambria, yma yng Nghanolbarth Cymru.
Rydw i’n gerddor sydd â diddordeb yn y cysylltiad rhwng y tirlun a cherddoriaeth, ac mae fy ngherddoriaeth fy hun wedi’i hysbrydoli gan y tirweddau yma.
Mae gwaith byrfyfyr yn rhan bwysig o’r hyn rydw i’n ei wneud, ac mae dod â’r gitâr allan i’r tirlun i greu cerddoriaeth newydd wastad yn brofiad gwerth chweil.
Rydw i wrth fy modd sut mae synau’r byd naturiol yn cael dylanwad ar fy ngwaith fy hun. Rwy’n sylwi fy mod i’n ymateb yn gerddorol i’r gofod o’m cwmpas.
Mae’r adar wastad yn swnio fel pe bai nhw’n canu ychydig yn uwch pan fydd y gitâr yn ymddangos.
Dynwared yw un o’r ffyrdd o gonsurio’r tirwedd i mewn i’r gerddoriaeth. Copïo synau cân yr adar, synau dŵr yn rhedeg a synau gwynt yn y coed.
Rydw i’n hoffi defnyddio cerddoriaeth fel ffordd o gysylltu â’r tirwedd o’m cwmpas.
Yn y tri fideo hyn, rwy’n gobeithio fy mod i’n crisialu’r ymdeimlad hwnnw. A gobeithio fy mod yn consurio rhywfaint o’r tirwedd, ac yn bennaf oll, gobeithio y byddwch yn eu mwynhau.
Adnoddau a ddarparwyd gan Toby Hay a Ella Mae Blackshaw.
Efallai byddwch yn hoffi
Gweld popeth
Hyder Creadigol
Fideos gan y gantores a chyfansoddwraig Molara Awen i'ch helpu i wenu, codi eich hyder a dathlu eich hunan greadigol.
Cyflwyniad i Animeiddio
Dechreuwch â dwy dechneg animeiddio draddodiadol: techneg papur torri allan ac animeiddiad stop-symudiad.
Gofalu am eich iechyd meddwl drwy wneud ymarfer corff
Mae’r canllaw hwn gan Y Sefydliad Iechyd Meddwl yn edrych ar y cysylltiad rhwng gwneud ymarfer corff a’n hiechyd meddwl.
