Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Mae’r broses cyanoteip yn wych i danio’ch creadigrwydd ac i ymgysylltu â’r hyn sydd o’ch cwmpas.
Yn y gweithdy hwn, byddwch yn defnyddio heulwen i wneud eich cardiau post.
Mae cyanoteip yn broses ffotograffig gymharol syml sy’n gofyn am gemegau sydd ar gael yn hawdd ac yn rhad.
Ar ôl i chi gymysgu eich hydoddiant cyanoteip, gallwch fynd am dro i ddechrau casglu deunyddiau i’w defnyddio gyda’ch cyanoteip neu i ysbrydoli’r hyn y byddwch yn ei ysgrifennu ar eich cardiau post.
Mae’r broses cyanoteip yn rhoi esgus i ni stopio, i fod yn llonydd, ac i eistedd a meddwl wrth i’r cyanoteip newid llif yn araf bach.
Lawrlwythwch y nodiadau proses papur syanoteip (PDF).
Ynglŷn â Scarlett Rebecca
Artist a gwneuthurwr printiau o Ogledd Cymru ydw i.
Gan fy mod yn gweithio gartref, o ran fy iechyd meddwl, mae’n bwysig iawn mynd allan cymaint â phosibl; i ddianc o’r gweithle, i newid fy mhersbectif ac i gael ychydig o awyr iach a fitamin D.
Dydw i ddim yn creu gwaith celf o dirluniau yn aml. Rwy’n ofnadwy yn gwneud tirluniau, ond mae creu cyanoteip yn ffordd wych o ddefnyddio rhannau o’r tirlun ei hun i ysbrydoli print.
Efallai byddwch yn hoffi
Gweld popeth
Papur a beiro
Yn y tair fideo dw i'n eich gwahodd i ymuno efo fi ac ysgrifennu ychydig eich hun.
Cyflwyniad i Gyfres Horton
Mae’r fideos hyn, a grëwyd gan goreograffydd preswyl Ballet Cymru, yn archwilio ymarferion yn seiliedig ar dechneg ddawns fodern Lester Horton.
Tynnwch Lun Ohonof ar Ddiwrnod Da
Mae Tynnwch Lun Ohonof ar Ddiwrnod Da yn broses syml i'ch rhoi ar ben ffordd wrth edrych ar y celfyddydau creadigol drwy weithgareddau syml iawn.
