Mae hanes hir o wneud Llwyau Caru yng Nghymru. Byddai pob llwy unigryw wedi cael ei siapio gyda gofal mawr a’i roi fel arwydd o gariad ac anwyldeb.
Ymunwch â’r artist Nia Wyn Skyrme i greu eich Llwy Garu eich hun, i chi’ch hun!
Bydd y gweithgaredd yn eich helpu i nodi eich meddyliau a’ch teimlad amdanoch chi’ch hun. Mae hwn yn gam pwysig tuag at fod yn garedig a thosturiol tuag at ein hunain a derbyn pwy ydym ni.
Dechreuwch drwy ddarlunio
Brasluniwch eich amlinelliad o lwy garu ar ddarn o bapur. Gallwch gael ysbrydoliaeth o casgliad Amgueddfa Cymru o Lwyau Caru. Meddyliwch am symbolau a phatrymau sy’n eich cynrychioli chi a’r hyn sy’n eich gwneud chi’n arbennig.
Byddwch yn greadigol gyda gludwaith
Ychwanegwch wead a lliw at eich dyluniad gan ddefnyddio deunyddiau gludwaith. Torrwch allan a glynwch siapiau, delweddau, neu eiriau yr ydych yn uniaethu â nhw ar eich Llwy Garu.
Dathlwch eich hunan unigryw
Wrth i chi weithio, myfyriwch ar yr hyn sy’n bwysig i chi, beth sy’n unigryw amdanoch chi. Meddyliwch am agweddau ar eich hunaniaeth, diwylliant a phrofiadau sy’n siapio pwy ydych chi. Gadewch i’r rhain ysbrydoli eich dyluniad Llwy Garu unigryw.
Byddwch yn falch
Ysgrifennwch un peth positif amdanoch eich hun drws nesaf i’ch Llwy Garu – “Rwy’n…”
Beth am ei arddangos ar eich wal neu’ch oergell i’ch atgoffa am eich creadigrwydd a’r hyn sy’n eich gwneud chi’n unigryw!
Yr offer sydd ei angen
- Papur
- Pensil
- Pensiliau neu binnau lliwio
- Deunyddiau gludwaith
Gwyliwch Nia Wyn Skyrme yn siarad am fanteision rhoi rhwydd hynt i’ch creadigrwydd, a gweld y gweithdy Llwyau Caru ar waith.
Darganfyddwch fwy am hanes Llwyau Caru yng Nghymru a’u hystyr.
Efallai byddwch yn hoffi
Gweld popeth
Gwehyddu ar Froc Môr
Dysgwch sut i blethu ar broc môr yn y ffilm fer hon gan yr artist Laura Thomas.
Cyflwyniad i Gyfres Horton
Mae’r fideos hyn, a grëwyd gan goreograffydd preswyl Ballet Cymru, yn archwilio ymarferion yn seiliedig ar dechneg ddawns fodern Lester Horton.
Gwaith Arwr – Sut i ddod â gemau i mewn i’ch bywyd
Trawsnewid eich trefn gweithio bob dydd yn gyfres o dasgau a fydd yn caniatáu i chi ennill pwyntiau profiad a symud o un lefel i’r nesaf.
