Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Gall dyddiaduron comic fod beth bynnag ry’ch chi eisiau iddo fod!
Helo! Josh ydw i. Rwy’n gartwnydd ac yn wneuthurwr ffilmiau o Gaerdydd. Rydw i wedi bod yn creu comics ers wyth mlynedd, a rydw i wedi creu cyfres o fideos i’ch tywys drwy’r broses o greu eich dyddiadur comic eich hun.
Mae dyddiaduron comic yn gomics byr, hunangofiannol am ddigwyddiad ym mywyd y crëwr. Gallan nhw fod beth bynnag yr hoffech iddyn nhw fod – doniol, trist, rhyfedd, difrifol – ac maen nhw’n ffordd wych o fynegi eich hun, prosesu digwyddiadau a rhoi eich meddyliau ar y dudalen ar ffurf weledol.
Y cyfan sydd ei angen arnoch chi ar gyfer y gweithgaredd hwn yw pensil, beiro, pren mesur, rhwbiwr a phapur, felly mae’n hawdd iawn cymryd rhan. Ac mae’n hwyl! Gobeithio y gwnewch chi fwynhau gwneud eich dyddiadur comic eich hun – efallai y daw’n rhywbeth rheolaidd.
Adnodd: Islwytho: Taflen Gymorth A Thempled (PDF).
Offer Angenrheidiol
- Pensil
- Pen
- Pren Mesur
- Dilëwr
- Papur
Saethwyd y fideos gan Tree Top Films (Linc Saesneg yn unig).
Efallai byddwch yn hoffi
Gweld popeth
Gofalu am eich iechyd meddwl drwy ymwybyddiaeth ofalgar
Bydd y canllaw hwn gan Y Sefydliad Iechyd Meddwl yn eich helpu i ddod yn fwy ymwybodol o deimladau ac o’u rheoli drwy ymwybyddiaeth ofalgar.
Treulia Amser Gyda’r Sawl Sy’n Dy Wneud Yn Hapus
Dysgwch sut i dynnu llun yn cynnwys yr ymadrodd hwn, neu lawrlwythwch dair dalen liwio gyda gwahanol ymadroddion ysbrydoledig.
Ein hawgrymiadau gorau ar gyfer iechyd meddwl
Mae awgrymiadau gorau'r Sefydliad Iechyd Meddwl ar gyfer gofalu am eich iechyd meddwl yn cael eu hategu gan dystiolaeth ymchwil.
