Mae Casgliad y Werin Cymru yn casglu ac yn dathlu storiâu unigryw i ddod â threftadaeth Cymru at ei gilydd.
Arweinir y fenter gan dîm bach sy’n frwd dros ddiogelu storiâu ac atgofion. Fe’i hariennir gan Lywodraeth Cymru a’i harwain gan Amgueddfa Cymru, Llyfrgell Genedlaethol Cymru a Chomisiwn Brenhinol Henebion Cymru.
Ewch i’r wefan i archwilio ffotograffau, clipiau fideo a sain yn disgrifio atgofion, llythyrau, a llawer mwy. Unigolion, grwpiau cymunedol lleol, amgueddfeydd, archifau a llyfrgelloedd o bob rhan o Gymru sydd wedi cyfrannu’r holl eitemau.
Gall gwerthfawrogi’r hanes a’r diwylliant beunyddiol o’n cwmpas ein helpu i deimlo’n falch. Gall ein cefnogi i wneud synnwyr o’r byd o’n cwmpas, a theimlo ein bod yn gallu gweithredu ar y pethau sy’n bwysig i ni.
Gallwch hefyd lanlwytho’ch gwybodaeth a’ch lluniau i’r wefan, i adrodd eich stori, rhannu atgofion, a chyfrannu at yr archif hon.
Mae stori pob un ohonom yn cyfrannu at rywbeth mwy, sef stori Cymru. Mae rhannu ein hatgofion yn helpu cymunedau i feithrin yr ymdeimlad o berthyn a chysylltiad. Gall wella’r ffordd y mae pawb yn teimlo am eu bywydau.
Ewch i Gasgliad y Werin Cymru i ddarganfod rhagor am dreftadaeth genedlaethol Cymru a sut gallwch chi gyfrannu at y stori
Efallai byddwch yn hoffi
Gweld popeth
Lluniwch eich dyfodol iach gyda Pwysau Iach Byw’n Iach
Dechreuwch ar eich siwrnai tuag at bwysau iach drwy gael cyngor gan y GIG sydd wedi’i deilwra i gyd-fynd â’ch anghenion.
Sut i Drwsio Hosan
Ffilm sy’n canolbwyntio ar y broses araf a thyner o drwsio.
Bwydo eich creadigrwydd
Mae'r fideos hyn gan yr artist a'r awdur Sadia Pineda Hameed yn defnyddio ryseitiau ac atgofion am fwyd fel ffynhonnell ysbrydoliaeth ac ysgrifennu creadigol.
