Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Helo! Georgia Ruth sy’ ma. Dwi’n gerddor ac yn ddarlledwraig o Aberystwyth, a dwi wedi bod yn sgwennu caneuon ers mod i tua 6 mlwydd oed.
Mae llawer iawn o ddirgelwch yn perthyn i’r syniad o sgwennu caneuon.
Ond dwi’n eiddgar i ddangos ei bod yn broses syml a greddfol. Gall ddod a llawer o bleser a chysur, a mae sgwennu cân yn rhywbeth y gall unrhyw un ei wneud, o’ch ‘stafell fyw.
Yn gyntaf, byddaf yn dangos sut i sgwennu’r geiriau. Does dim ffordd gywir o wneud hyn, dim ond bod yn yr eiliad bresennol a gofyn – sut ydw i’n teimlo nawr? A chwarae efo geiriau!
Nesaf, byddwn yn dod o hyd i alaw ar gyfer y geiriau. Eto, rydw i eisiau dangos bod hyn yn rywbeth greddfol a hwyliog y gall unrhyw un ei wneud, hyd yn oed os dydych chi ddim yn canu llawer.
Yn olaf (ac mae’r rhan yma’n gwbwl opsiynol!) byddaf yn dangos gwahanol ffyrdd o gyfeilio’r gân, a sut gall gwahanol bethau newid naws a thôn eich cân.
Ymunwch â mi a rhyddhau’r syniadau sy’n bodoli ynoch chi heddiw, efallai y cewch chi eich synnu!
Offer angenrheidiol:
• Papur a beiro
• Chi’ch hun
• Ystafell dawel a chyfforddus
• Opsiynol: offeryn (ddim yn angenrheidiol)
Adnoddau gan Georgia Ruth a Dafydd Hughes.
Efallai byddwch yn hoffi
Gweld popeth
Gwirfoddoli Cymru
Chwiliwch am gyfleoedd i wirfoddoli yn eich ardal leol, ar wefan Gwirfoddoli Cymru. Boed hynny’n ymwneud â bod yn greadigol, yn egnïol, helpu eraill, gwella’r amgylchedd neu ymgyrchu, gallwch chi ddefnyddio’r hidlydd chwilio i ddod o hyd i’r hyn sy’n addas i chi.
Positive News
Newyddion am ddim bob dydd, cylchlythyr wythnosol a phodlediad. Yn canolbwyntio ar sut mae pobl, cymunedau a sefydliadau yn newid y byd er gwell.
Tonnau Ogofau: Celf Sain Amgylcheddol
Archwilio sain weledol traethau Llanelli gyda'r cerddor Cheryl Beer.
