Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Helo! Jack ydw i ac rwy’n awdur a chynhyrchydd theatr o Lanelli ac rwy’n mynd i drosglwyddo ambell syniad i’ch helpu i ysgrifennu eich stori eich hun.
Rydw i wedi bod wrthi’n ysgrifennu ac yn cynhyrchu dramâu a phantomeim ers dros 15 mlynedd, ac rydw i wedi bod yn ddigon ffodus i gael fy nramâu wedi’u cynhyrchu ledled Cymru.
Rydw i wedi gweithio gyda nifer o gyfarwyddwyr ac awduron yn ystod y cyfnod hwn i ddatblygu fy nghrefft ymhellach. A heddiw rwy’n gobeithio trosglwyddo rhywfaint o’r wybodaeth honno a’ch helpu i ysgrifennu eich stori eich hun.
Rwy’n gwybod eich bod i gyd yn brysur. Mae fy ngwraig yn gweithio i’r GIG, ac rwy’n gwybod bod amser sbâr yn aml yn beth prin, a dyna pam mae’r fideos hyn mor dda oherwydd allwch chi bicio i mewn ac allan pan fydd ychydig o amser sbâr gyda chi.
Felly gadewch i ni sgwennu stori! Paid â chael ofn – dyw e ddim mor anodd â hynny. A dweud y gwir, rydw i wedi llwyddo i ffitio’r cyfan i fideo llai na 15 munud!
Yr hyn fyddwch chi’n ei weld yw sut i rannu’r strwythur yn bum adran sy’n caniatáu i chi ganolbwyntio ar bob adran yn hytrach na meddwl am y cyfanwaith. Byddwn hefyd yn edrych ar rywbeth sy’n cael ei alw’n ‘fwrdd stori’ sy’n ffordd wych y gallwch ei defnyddio pan fydd gennych ambell syniad i’w nodi.
Bydd hyn i gyd yn cael ei ddisgrifio’n ofalus yn y fideo, ac os hoffech gopi o fwrdd stori gwag i ymarfer, cliciwch ar y ddolen ac argraffwch ambell gopi.
Mae adrodd straeon yn lot fawr o hwyl oherwydd mae’n gadael i ni gysylltu â’n dychymyg, felly eisteddwch nôl, gwnewch baned ac ewch amdani i ysgrifennu eich stori eich hun!
Pob hwyl!
Efallai byddwch yn hoffi
Gweld popeth
CoedLleol/SmallWoods Wales
Dysgwch am fanteision mannau gwyrdd ar gyfer llesiant a mynnwch ysbrydoliaeth i fwynhau natur yn eich ardal chi.
Ein hawgrymiadau gorau ar gyfer iechyd meddwl
Mae awgrymiadau gorau'r Sefydliad Iechyd Meddwl ar gyfer gofalu am eich iechyd meddwl yn cael eu hategu gan dystiolaeth ymchwil.
Gweithdy Dawns Greadigol
Mae'r fideos hyn gan y ddawnswraig Beth Meadway yn cynnwys technegau byrfyfyr a fydd yn eich ysgogi i symud.
