Datblygwyd yr offeryn hwn fel rhan o Cwtsh Creadigol, a oedd yn ganolbwynt lles creadigol ar-lein ar gyfer y gweithlu iechyd a gofal yng Nghymru, a grëwyd gan Gyngor Celfyddydau Cymru mewn cydweithrediad ag artistiaid ledled y wlad.
Mewn partneriaeth â Chyngor Celfyddydau Cymru, rydym yn gyffrous i rannu’r offeryn lles meddyliol hwn, ochr yn ochr â llawer o adnoddau creadigol eraill, gyda phawb yng Nghymru!
Codwch eich ysbryd!
Rydw i’n artist sy’n gweithio o’m stiwdio yng Ngogledd Cymru. Rydw i hefyd yn gweithio o fewn y celfyddydau mewn iechyd drwy gynnal gweithdai ar gyfer y rhaglen Celfyddydau ar Bresgripsiwn yng Nglannau Merswy, a Lost in Art ar gyfer pobl sy’n byw gyda dementia yn Sir Ddinbych.
Yn ystod y cyfnod clo, ceisiodd y ddau grŵp gadw eu creadigrwydd yn fyw drwy fynd ar-lein. Cynlluniwyd nifer o’r gweithgareddau i ddefnyddio deunyddiau o amgylch y tŷ.
O’r profiad hwn y daeth creu cychod papur. Sylweddolais fod y gweithgaredd syml, cyflym hwn yn ein galluogi i archwilio’n greadigol, yn ogystal â chyfle i fyfyrio.
Gobeithio y byddwch chi’n cael saib byr i ymlacio, ac i godi eich hwyliau a’ch ymdeimlad o les. Does dim angen unrhyw ddeunyddiau celf na phrofiad o gelf – dim ond y caniatâd i chwarae, archwilio a mwynhau – a does dim canlyniad cywir nac anghywir.
A’r bonws mawr yw – mae’r cychod papur bregus hyn yn arnofio! Felly ewch amdani.
Neu beth am weithio fel tîm i greu llynges fach!
Gwnaethpwyd y fideo hwn drwy gydweithio â’r artist a’r gwneuthurwr ffilmiau Charles Gershom.
Gan edrych ymlaen at weld eich creadigaethau.
Sian Hughes
Offer angenrheidiol
- Papur
- Defnyddiau hapgael siswrn
- Glud neu osodiadau eraill
Efallai byddwch yn hoffi
Gweld popeth
Gwneud cerfluniau clom
Dysgwch sut i wneud cerflun bach – sydd hefyd yn ymgorffori cynefin gwenynen unig – o ddeunyddiau naturiol y gallwch ddod o hyd iddynt wrth fynd am dro mewn coetir.
Bwydo eich creadigrwydd
Mae'r fideos hyn gan yr artist a'r awdur Sadia Pineda Hameed yn defnyddio ryseitiau ac atgofion am fwyd fel ffynhonnell ysbrydoliaeth ac ysgrifennu creadigol.
Tynnwch Lun Ohonof ar Ddiwrnod Da
Mae Tynnwch Lun Ohonof ar Ddiwrnod Da yn broses syml i'ch rhoi ar ben ffordd wrth edrych ar y celfyddydau creadigol drwy weithgareddau syml iawn.
