Mae gofalwyr yn dweud wrthym y gall bod yn ofalwr i rywun annwyl fod yn heriol ond y gall hefyd roi boddhad.
Y rhan heriol o fod yn ofalwr yw y gall effeithio ar ein lles meddyliol. Mae Carers Wales yma i wneud yn siŵr nad ydych chi ar eich pen eich hun.
Os ydych chi’n ofalwr, mae Carers Wales yma i helpu. Mae eu hyb yn darparu gwybodaeth, arweiniad ac adnoddau i gefnogi pobl fel chi gyda heriau’r rôl o ddydd i ddydd, yn ogystal â rhoi cyfleoedd i gysylltu â gofalwyr eraill fel chi.
Mae’r wybodaeth hon yn ymdrin ag ystod eang o bynciau, gan gynnwys canllawiau ar gael mynediad at lwfansau gofalwyr a lwfansau byw yn ogystal â chyngor ymarferol ar hybu lles meddyliol cadarnhaol.
Mae Carers Wales yn deall pa mor bwysig yw iechyd corfforol i ofalwyr, er eu lles eu hunain yn ogystal â’u gallu i ddarparu gofal. Mae eu hyb yn rhoi arweiniad ar bynciau fel bod yn egnïol a chwsg i helpu gofalwyr i gadw’n iach eu hunain a’r rhai y maent yn gofalu amdanynt.
Gallwch hefyd ddod o hyd i ragor o wybodaeth am Carers’ Week, ymgyrch flynyddol sy’n cael ei chynnal rhwng 9 a 15 Mehefin, a all helpu i godi ymwybyddiaeth o ofalu, amlygu’r heriau a wynebir gan ofalwyr di-dâl, a chydnabod y cyfraniad a wnewch chi fel gofalwyr i deuluoedd a chymunedau. Gall hefyd fod o gymorth i chi gydnabod eich hunaniaeth fel gofalwr os nad ydych chi’n meddwl amdanoch chi eich hun yn rhywun sydd â chyfrifoldebau gofalu.
Mae Carers Wales yn rhan o Carers UK, y brif elusen genedlaethol ar gyfer gofalwyr.
Carers Wales Wellbeing Hub (dolen Saesneg yn unig) i ddysgu sut i ofalu am eich lles meddyliol wrth i chi ofalu am eraill.
Efallai byddwch yn hoffi
Gweld popeth
Bwydo eich creadigrwydd
Mae'r fideos hyn gan yr artist a'r awdur Sadia Pineda Hameed yn defnyddio ryseitiau ac atgofion am fwyd fel ffynhonnell ysbrydoliaeth ac ysgrifennu creadigol.
Symud Drwy Lawenydd
Mae ‘Symud drwy Lawenydd' yn gyfres o weithdai dawns a symud sydd wedi’u hanelu at godi eich ysbryd a chadw eich corff a'ch meddwl yn iach.
Pŵer diolchgarwch
Gall sylwi ar y pethau rydyn ni'n ddiolchgar amdanyn nhw ein helpu i deimlo'n fwy cadarnhaol a chefnogi ein lles meddyliol hirdymor.
